Quanno spònta la luna a Marechiare,
pure li pisce nce fanno a l'ammore,
Se revòtano l'onne de lu mare,
pè la prièzza càgnano culore...
Quanno sponta la luna a Marechiare
A Marechiare ce sta na fenesta,
pe' la passiona mia ce tuzzulèa,
Nu garofano addora 'int'a na testa,
passa l'acqua pè sotto e murmulèa...
A Marechiare nce sta na fenesta....
Ah! Ah!
A Marechiare, a Marechiare
nce sta na fenesta....
Chi dice ca li stelle sò lucente,
nun sape st'uocchie ca tu tiene 'nfronte!
Sti doje stelle li saccio ì sulamente:
dint'a lu core ne tengo li pònte...
Chi dice ca li stelle sò lucente?
Scètate, Carulì, ca l'aria è doce,
quanno maje tantu tiempo aggìo aspettato?!
P'accompagnà li suone cu la voce,
stasera na chitarra aggio purtato...
Scètate, Carulì, ca l'aria è doce!...
Ah! Ah!
O scètate, o scètate,
scètate, Carulì, ca l'aria è doce!...